CAGAYAN DE ORO CITY – Wala bastusa apan gihataga’g dakong pagbangutan sa mga pulis sa Cagayan de Oro City Police Office o COCPO ang nahitabo kang Cogon Police Station commander Capt Abdulcahar Armama nga gipusil-patay sa Bulua ning syudad sa miaging semana.
Kini human miani’g pagsaway ang dance presentation sa mga pulis atol sa flag raising sa city hall sa miaging adlaw’ng Lunes.
Miingon si COCPO spokesperson Lt Col Evan Vinas nga dugay na kadtong naka-schedule nga sponsored presentation ug dili kini pagbalewala sa gidangatan ni Armama.
Gani,sa wala pa sugdi ang presentasyon,mihalad pa sa pag-ampo ang mga mitambong sa flag raising alang sa gidangatan sa maong opisyal sa pulis.
Hisayrang gipa-esplikar sa Police Regional Office 10 ang COCPO kabahin sa ilang presentasyon sa city hall dance presentation.
