Gipaubos sa full alert status ang tanang kapulisan sa Cagayan de Oro City Police Office (COCPO) human sa kagubot nga nahitabo sa kaulohan nga posibleng mahimong hinungdan sa pagtaas sa krimen ug daotang kalihokan sa mga syudad.
Sa interbyu sa Bombo Radyo, gipadayag ni PCAPT Emilita Simon, tigpamaba sa COCPO, nga andam ang kapulisan sa pagserbisyo ug pagpanalipod sa katawhan sa Cagayan de Oro.
Matod pa niya, ang tanang personnel sa COCPO ug mga estasyon niini karon fully accountable ug padayon nga nagbantay sa kahimtang sa seguridad sa dakbayan.
Nag-awhag usab ang opisyal sa publiko nga magmatngon ug dili magpadala sa mga dili mapamatud-an nga impormasyon, ilabi na sa nagkalat nga mga fake news.
Dugang pa niya, mas maayong mosalig ang katawhan sa mga lehitimong media outlet ug opisyal nga social media pages alang sa husto ug kasaligan nga impormasyon.
