CAGAYAN DE ORO CITY – Gipaniguro ni City Director Col Salvador Radam nga dili ‘fall guys’ ang mga personalidad nga ilang gipaubos sa imbestigasyon kabahin sa kamatayon ni late Cogon Police Station commander Capt Abdulcahar Armama ning syudad.
Kini ang hinungdan nga personal niya gihangyo ang pamilya ni Armama nga hatagan una sila’g igong panahon kay adunay kalisod sa pagsulbad sa maong kremin.
Siya miingon nga dili ordinaryoo ang pagpatumba kang Armama rason nga angayang mahatagan sa igong oras ang imbestigasyon sa Special Investigation Task Group o SITG nga gitukod alang niini.
Si Armama ang gipusil sa iyang ulo samtang pauli na gikan sa trabaho sa Brgy Bulua sa miaging mga bulan.
