CAGAYAN DE ORO CITY – Dili makadawat ang liderato sa Cagayan de Oro City Police Office o COCPO sa pipila ka mga komento sa netizens sa social media naghulagway kanila inotil sa pagsanta sa pipila ka dagkong kremin dinhi sa syudad.
Kini human basihi sa pipila ka residente ang ngilngig nga pagdunggab-patay sa ‘grab’ delivery driver ug gilugos pa sa mga suspek ang mismong hinigugma niini diha sa coastal road sa Brgy Lapasan ning syudad.
Miingon si COCPO deputy director for operation Lt Col Surki Sereñas nga na ‘mis-informed’ lamang ang pipila sa tinud-anay nga kahimtang sa seguridad sa dakbayan.
Siya miingon nga subay sa ilang crime statistics,dunay nangahitabo nga kremin matag-semana apan usa hangtod duha lamang kini kada-semana.
Gani,sa natigayong sobra 500 ka nagkadaiyang kremin sa syudad miaging tuig,20 lang ang wala mahatagi’g kasulbaran.
