Nakakuha sa special permit gikan sa Office of the City Mayor ang mga supporters ni kanhi Presidente Rodrigo Duterte nga mulusad sa ilang prayer rally, ning syudad karong gabie.
Gikompirmar kini ni Cagayan de Oro City Police Office (COCPO) Spokesperson Police Captain Emelita Simon sa Bombo Radyo.
Miingon si Simon nga gihatud kanila ni City Councilor Girlie Balaba ang kopya sa ilang permiso, busa gilayon nilang giplastar ang ilang mga sukdanan sa paghatag seguridad sa mga mutambong sa Gaston Park.
Ang prayer rally ug vigil gitumong sa panawagan nga ipapauli na ang kanhi Presidente kay tataw nga gipriso siya bisan walay sala sulod sa detention facility sa International Criminal Court (ICC) sa the Hague, Netherlands.
Kini nga kalihukan, dili lamang sa syudad gipahigayon apan anaa usab prayer vigil ug rally sa Davao, Cebu, ug Metro Manila.
Hisayran nga ning adlawa, gidumdum ang usa ka tuig nga paglabay sukad pugsanong gibalhog si Duterte sa ICC
