CAGAYAN DE ORO CITY – Gusto ni City Police Director Col. Salvador Radam nga kumbinsido sila sa mga personalidad nga kasuhan nila’g murder nunot sa kamatayon ni late Cogon Police Station commander Capt Abdulcahar Armama ning syudad.
Kini ang rason nga pabiling wala pa’y kaso nga naporma ang task force nga giporma ni Radam aron mopadali sa pagsulbad sa kamatayon ni Armama.
Siya miingon gilikayan nila nga sayop nga mga tawo ang ilang madakpan ug basta-basta lang mosang-at sa kaso sa korte.
Hisayrang gipusil-patay si Armama sa gitoohang professional hired killer samtang nakauli na sa balay sa iyang ugangan sa Brgy Bulua sa milabay’ng Oktobre ning tuiga.
