CAGAYAN DE ORO CITY – Gipaubos sa intensive care unit o ICU sa usa sa ka pribadong ospital si Cagayan de Oro City Director Police Colonel Nelson Aganon ning syudad.
Kini human nagbaton sa operasyon dihang nadisgrasya samtang nagsakay sa motorsiklo isip preparasyon unta sa ilang MCRC presentation sa Brgy Patag sa syudad ning adlawa.
Miingon si Cagayan de Oro City Police Office spokesperson Police Lt Colonel Mardi Hortillosa nga gi-operahan si Aganon tungod sa damyos nga iyang naangkon sa ulo.
Nasayran nga pila ka semana nga nagbansay-bansay ang pipila ka police officials alang sa maong training sa Brgy Indahag sa syudad dihang nalambigit si Aganon sa disgrasya.
