CAGAYAN DE ORO CITY – Mitug-an ang Cagayan de Oro City Police Office (COCPO) nga mahatag nila ang 100% nga kalinaw ug pagpugong sa mga dautang elemento nga buot mugubot sa pagbalaan sa mga Kristiano sa Semana Santa, ning syudad.
Apan gitin-aw ni COCPO spokesperson Lt. Colonel Mardi Hortillosa nga anaa sa 95% ang ilang mahatag nga pagbantay sa mga kabalayan ilabe na nga 5% niini, dili malikayan nga mu-siaw ang mga kawatan ug mga akyat-bahay.
Busa naghimangno si Hortillosa sa tanan police station ubos sa ilang AOR nga mga barangay nga dili minusan ang ilang pagpatrolya kay sa maong pamaagi, maabog nila ang mga tawong balahiboon ang kamot.
Dugtong niini, mi-abiso ang mga kapulisan sa mga tagbalay ng magbaton sa kaigmat ug likayan nga matintal ang mga kawatan sa ilang propiedad.
Ning semanaha, naka-isa ang full alert status sa tibook PNP units ubos sa mando ni PNP Chief Dir Gen Oscar Albayalde.
