CAGAYAN DE ORO CITY-Nailhan na sa mga pulis ang suspek sa pagpangawat sa mahalon nga alahas sulod sa panimalay sa usa ka konsehal diha sa Frontiera Subd,Gran Europa, Lumbia ning syudad.
Gilantaw sa mga imbestigador nga inside-job ang hitabo kon nganong sayon-sayon nakasulod ang mga suspek sa panimalay ni City Councilor Reuben Daba ug nakuha ang P1 million nga kantidad sa mga alahas ug laptop.
Matud ni Cagayan de Oro City Police Office spokesperson Supt Mardi Hortillosa nga hapit na nila madakpan ang suspetsado.
Hisayran nga walay nakit-ang pugsanong pagsulod ang mga imbestigador sa panimalay hinungdan nga dako ang ilang pagduda nga adunay koneksyon ang usa sa mga trabahante sa konsehal sa mga kawatan.
