CAGAYAN DE ORO CITY – Nagtinabangay na ang Puerto Police Station ug Misamis Oriental Provincial Police Office aron madakpan ang mga suspetsado nga mipusil-patay sa usa ka parking boy diha sa Brgy Bugo ning syudad niadtong adlawng Sabado.
Gibutyag ni Puerto Police Station commander Police Capt. Mario Mantala Jr nga gihimo nila kini aron daling madakpan ang duha ka mga suspetsado nga mipusil kang Antonino Salaan, 51, menyo, taga Balite St Zone 6 Bugo ning syudad.
Matud ni Mantala nga daling misibat ang mga responsable sakay sa motorsiklo padulong sa Tagoloan area human sa hitabo.
Una niini,naglingkod lamang ang biktima dihang kalit gilabyan sa naka-motorsiklo ug gilayong gipusil-patay sa wala mailang mga suspetsado.
