CAGAYAN DE ORO CITY-Mipalag ang mga kapulisan sa syudad kung nganong gihimong “protest-stage” sa mga progresibong pundok ang lungsod sa Cagayan de Oro City.
Nagtoo ang COCPO nga dali mukatag ang balita sa ilang pagprotesta ug mga propaganda tungod kay daghang sakop sa media entities ang nakabase sa syudad.
Miingon si COCPO spokesperson Pol Supt Mardi Hortillosa nga kaniadto, dili gakuha sa permit ang mga progresibong pundok nga ga-rally sa Kiosko Divisoria.
Gumikan sa palisiya nga gipatuman sa konseho nga no permit no rally, napugos sila sa pagsubay niini tungod kay mahimo man silang sikopon sa kapulisan kung wala silay dala nga legal nga dokumento nga permado sa City Mayor’s Office, ug nagpamatood nga pwede sila maglusad sa lihok protest sa espesipikong lugar dinhi sa syudad.
