CAGAYAN DE ORO CITY – Gitak-upan na ni Cagayan de Oro City Police Office o COCPO City Police Director Col. Salvador Radam ang isyu nga adunay pundok nga nakasakyanan nga gapangdagit sa pipila ka babayeng mga menor de edad ning syudad.
Kini human nag-viral ang usa ka social media post nga may usa ka high school student nga naka-ikyas sa posibleng pagsignit kaniya sa gitoohan niini nga mga lalaki nga modagit kaniya sa miaging semana.
Miingon si Radam nga subay sa ilang koordinasyon sa tunghaan sa maong estudyante ug sa gihimo nila nga imbestigasyon,dili tinood ang mikaylap nga impormasyon.
Siya miingon nga angay magmakalmahon lang ang katawhan apan dili usab angay magkumpiyansa alang sa seguridad sa ilang mga anak.
