CAGAYAN DE ORO CITY – Gitin-aw sa Cagayan de Oro City Police Office o COCPO nga walay major revamp nga nahitabo sa ilang han-ay sa nagkaduol nga 2019 midterm Elections.
Gibutyag ni COCPO spokesperson Police Lt. Colonel Mardi Hortillosa sa Bombo Radyo nga walay nga station commanders nga gipang-shuffle ni City Director Police Col Nelson Aganon.
Hinoon, dunay movement sa mga police station commander sa Police Station 2 Cogon, human mahulipan si Capt Dennis Quindara tungod sa iyang pagsakit ug anaa pa sa estado sa pagpa-alim.
Gibalik sab sa pagkastation commander sa Bulua Police Station si Pol Lt Breccia Ruth Townend human dyutay nga na-assign sa investigative department sa PRO-10.
Samtang ang kanhi station commander sa Bulua, gibalik sa iyang kanhi giserbisyohan nga istasyon sa Police Station 5 Macabalan.
