CAGAYAN DE ORO CITY – Gitin-aw sa Cagayan de Oro City Police office o COCPO nga wala pa sila’y nadawatan nga warrant of arrest gikan sa korte batok nila kanhi Misamis Oriental Board Member President Elipe ug iyang igsoon nga si Pristine Quizon.
Kini ang gibutyag ni COCPO spokesperson Police Major Ivan Vinas human gimando ni Sandiganbayan-4th Division chairman Associate Justice Alex Quiroz ang pagsikop sa duruha tungod sa kasong Anti-Graft and Corrupt Practices Act ug falsification sa Revised Penal Code.
Namahayag si Vinas nga oras nga makadawat siya sa WOA, ayha nila ipalihok ang ilang mga sakop.
Gitin-aw sa COCPO nga dili mag-una-una’g dakop ang mga pulis sa mga akusado bisan gimando pa sa korte kung wala silay gihuptan nga court order.
