CAGAYAN DE ORO CITY – Dili tulis apan may laing lawom nga motibo ang duha ka suspek mipusil-patay sa mag-agaw sa Sitio Agong,Brgy Canitoan ning syudad sa miaging semana.
Kini human migawas sa inisyal nga imbestigasyon nga walay sulod nga kuwarta ang bag nga nadala sa mga tulisan nga mipusil kang Wilmer Apostol ug Bryan Apostol nga pulos taga-Valencia City,Bukidnon.
Miingon si Cagayan de Oro City Police Office o COCPO spokesperson Maj Evan Vinias nga kini ang hinungdan nga ilang gipalapdan ang imbestigasyon sa hitabo.
Gani,nakig-koordinar na sila sa kapolisan sa Bukidnon aron sutaon usab ang mga kalihukan sa mga biktima.
Hisayrang sakay sa bongo truck ang mga biktima dihang giharang sa dagko’g lawas nga nakasakay sa motorsiklo diin nagkalalis pa ayha nhitabo ang pagpamusil.
