CAGAYAN DE ORO CITY-Gihupay sa liderato sa Cagayan de Oro City Police Office o COCPO ang kabalaka sa publiko nga mahitabo ang car bombing sa syudad.
Kini human unang mitay-og sa gobierno ang gitoohang Basilan car bombing nga gikamatay sa 10 ka tawo ug laing siyam ang samaron sa Lamitan City sa miaging semana.
Miingon si COCPO spokesperson Supt Mardi Hortillosa nga subay sa monitoring sa intelligence community,pabiling luwas batok sa mga bahad sa terorismo ang syudad.
Dugang ni Hortillosa nga kon dunay seryoso nga terror attack threat ang syudad,gilayon nila kining ipahibalo aron makabantay ang publiko.
