CAGAYAN DE ORO CITY – Nanganti ang Cagayan de Oro City Police Office o COCPO nga dugang high value targets o trabahante sa gobierno nga nalambigit sa illegal drugs activities ang madakpan sa syudad sa mosunod nga mga adlaw.
Gihimo ni COCPO spokesperson Maj Evan Viñas ang panganti hingpit pagkadakop ni SK Federation vice president ug Balulang SK chairman Chuck Grover Yañez sa Sambaan Village,Brgy Patag sa syudad.
Miingon si Viñas nga kasuhan na nila si Yañez sa pagbaligya’g ilegal nga droga sa piskalya ninga adlawa.
Samtang suportado ni ABC Pres Alam Lim ang laraw nga pagpakusog sa pagpatuman sa ordinansa nga mandatory drug testing sa mga opisyal sa syudad.Kini human unang nadakpan Yañez sa pasangil nga namaliya’g ilegal nga droga.
Nakasaway si Lim sa pipila ka opisyal nga nadakpan tungod sa pagpahuyot sa illegal nga droga. Sumala sa maong opisyal nga ilang gipanday ang mandatory drug testing aron maobliga niini ang mga opisyal.
Dugtong niini,ipakusog pa ni City Mayor Oscar Moreno ang mga programa nga mi-sentro paghatag proteksyon sa kaugmaon sa kabatan-on sa syudad.
Kini bisan kon giila ni PDEA Director General Wilkins Villanueva ang maayong performance sa city govt aron batukan ang pagkagumon sa kabataan sa ilegal nga droga sa syudad.
Miingon ang mayor nga tungod sa paghiusa sa daghang sektor,may 17 ka brgy nga giila sa PDEA nga drug cleared ug un-affected hinungdan nga kini angay proteksyonan aron dili masudlan sa ilegal nga droga.
