CAGAYAN DE ORO CITY – Gisuhid sa intelligence operatives sa Cagayan de Oro City Police Office kon may grupo ba sa mga tulisan nga gatira sa ginagmay’ng mga patigayon ning syudad.
Kini human makaduha nang naigo sa pagpanulis ang magkalahing ‘minute burger’ outlets sa duha ka magkalahing lokasyon sa dakbayan.
Pinakaulahing natulis ug nasakmit sa naka-motorsiklong tulisan ang dili matug-an nga kantidad sa salapi ang outlet niini sa Barangay Patag sa syudad kaganihang kadlawon.
Matud ni Cagayan de Oro City Police Office spokesperson Lt Col Evan Viñas nga naglihok na ang intel-community aron ilhon ang mga tulisan nga hag-as ga-atake sa balay-patigayon nga huyang ang seguridad.
Hinoon,sapon sa CCTV camera ang mga lihok sa tulisan rason nga may giya ang kapolisan aron matandi kon managlahi ba ang mitira sa laing outlet nila apan pakyas makakuha’g kinitaan sa miaging adlaw.
