CAGAYAN DE ORO CITY – Opisyal nang gibakante ni Police Lt Col Mardi Hortillosa isip tigpamaba sa Cagayan de Oro City Police Office o COCPO.
Kini human milugwa na ang kamanduan gikan kang Police Brig Gen Rafael Santiago Jr aron magsilbing tigpamaba sa Police Regional Office10 si Mardi Hortillosa.
Namahayag si Hortillosa nga ipadayon niini kon unsa man ang nasugdan nga kasihag sa maong opisina sa iyang mga nasundan nga senior official nga natahasan usab sa susama nga gimbuhaton.
Si Hortillosa ang gihulip kang officer-in-charge Police Maj Michelle Olaivar kinsa gitudlo ni Santiago tungod sa pagka-destino ni Police Lt Col Surkie Serenias sa Valencia City,Bukidnon.
Dugtong niini,gihulat na lamang usab ang mahimong itudlo ni City Director Police Col Henry Dampal nga tigpamaba sa COCPO tungod sa transfer of assignment ni Hortillosa.
