CAGAYAN DE ORO CITY – Wala gikonsiderar sa Cagayan de Oro City Police Office o COCPO nga alarming ang tulo ka sunod-sunod nga shooting incidents sa syudad ning bulana.
Pinaka-ulahi niini ang pagkapusili-patay sa negosyante nga si Chune Quime,36 anyos, minyo, taga Zone 1, Taguanao,Brgy Indahag diha sa Gate 3, Xavier Heights, Upper Balulang ning syudad sa miaging gabii.
Gibutyag ni Lt. Col. Lemuel Gonda, deputy director for Operation sa COCPO nga padayon ang ilang pag imbestigar sa maong mga hitabo.
Hisayrang sa pulos patay ang mga biktima sa maong mga pagpamusil nga wala pa’y bisan usa ka suspek nga nadakpan.
