Gisugdan na sa pagsusi sa Commission on Elections-Law Dept ang mga pasiunang mga sertipiko de kandidatura sa mga kandidato nga tuyo modagan sa nagkadaiyang posisyon sa 2025 elections sa nasud.
Kini human nahidangat na ang ubay-ubay sa maong COCs gikan sa mga rehiyon nga mipahigayon sa ministerial nga pagdawat niini sulod sa walo ka adlaw gikan sa aspiring candidates.
Miingon si Comelec chairman George Garcia nga gi-welcome nila ang mga suhensiyon nga mo-basi sa isyu ang kampanya sa mga kandidato kon makalusot sa ilang ebalwasyon.
Samtang gibutyag usab ni Comelec spokesperson Atty. John Laudiangco nga dili sila magpanuko sa pagwala sa listahan sa mga kandidato nga makadagan kon kulang ang mga impormasyon nga nalatid sa ilang mga dokumento.
