Nakompleto na ang 80 porsiyento sa negosasyon sa Southeast Asian nations ug China bahin sa sugyot nga Code of Conduct (COC) sa West Philippine Sea, pila ka adlawa ayha ang ASEAN Summit.
Matud ni Department of Foreign Affairs (DFA) Secretary Ma. Theresa Lazaro, nakatabang ang pagka-chair sa Pilipinas sa ASEAN Summit tungod kay pinaagi sa pagpangulo sa Pilipinas sa maong panagtigum kay napadali ang pagkompleto sa Code of Conduct.
Dugang pa ni Lazaro, adunay pipila pa ka panaghisgut kung diin ang 80 porsiyento na sa parapo, ang papel mismo ug dokumento kay nahuman na.
Gibutyag usab sa kalihim nga duna pay pipila ka kabag-ohan nga kinahanglang han-ayon.
Ang maong sugyot nga COC kay maghatag og lagda aron malikayan ang bisan unsang pagpangilog sa South China Sea ug malikayan ang bisan unsang kagubot ug pagkadamay sa kaalyado sa Pilipinas nga Estados Unidos.
Mahinumdoman nga una nang gipadayag sa Malacañang ang ilang paglaum nga mapirmahan ang COC sa dili pa mahuman ang chairmanship sa Pilipins sa ASEAN. (raniel mahunyag)
.jpg "Presidente Marcos, gipirmahan na ang EO alang sa saktong paggamit sa Artificial Intelligence sa nasud")
