Gipaboran ni Malaysian Prime Minister Anwar Ibrahim, ang chairman sa Association of South East Asian Nation (ASEAN) chairman, ang gihingusgan nga panawagan ni Presidente Ferdinand Marcos kalabot sa ipatuman nga Code of Conduct (COC) sa West Philippine Sea sa Pilipinas, ug sa South China Sea, sa China.
Namahayag si Ibrahim nga kinahanglan paspasan sa ASEAN ug China ang negosasyon aron matapos ang COC sa 2026.
Walay pagduha-duha nga gisaway ni Ibrahim ang padayon nga tensiyon sa rehiyon nga naghatag sa taas nga peligro sa kalinaw ug ekonomiya sa Southeast Asia.
Siya mipadayag nga ang Malaysia magpasiugda sa mas lig-on nga diplomatikong negosasyon aron masiguro nga ang COC mahimong legally binding ug dili lang usa ka deklarasyon.
Sa pikas bahin, gipasalamatan ni Presidente Marcos ang sugyot sa chairman sa ASEAN.
