Mupatuman sa Water Flushing ang CdO-LGU sa tibook Cogon Market ning adlawa. Kini ang gitin-aw ni Jade Adecer, ang hepe sa City Information Office (CIO) human gimando ni Mayor Rolando Klarex Uy nga i-mentinar ang kahindik sa palibot sa pinakadaku ug karaang merkado sa syudad. Namahayag si Adecer nga panguluhan ni City Administrator Atty Hilario Raagas ang pagpanglimpyo sa merkado ilabe sa lugar kung asa unang gitoohang nagsumikad ang kaso sa leptospirosis. Unang namugos ang City Health Office (CHO) nga dili kagaw nga gikan sa ilaga ang rason sa kamatayon sa market vendor sa maong dapit apan gumikan sa laing balatian. Aron dayag nga matubag ang dakung kabalaka sa makapatay nga bakterya, mulusad usab sa fumigation ang team nila Raagas sa Enero 30, apan, mihagyo kini sa mga vendors nga mokooperar kanila kay walay mahitabong kabag-uhan kung magtinapulan ang mga gapaninda sa merkado.
