CAGAYAN DE ORO CITY-Kasuhan sa pagpamaligya sa shabu ang 23 anyos nga magtutungha sa kolehiyo nga nadakpan sa PDEA-10 pinaagi sa drug buybust operation sa Hayes St. Barangay 2 ning syudad.
Giila ni PDEA agent Ben Calibre ang suspek nga si Carl Pua,residente sa Brgy Tablon ning syudad.
Gibutyag ni Calibre nga idlas nga klase sa tigpayuhot sa druga ang maong tinun-an.
Kini ang rason kon nganong nadugay silag dakop sa suspek.
Narekober sa posisyon sa dinakpan ang P1000 nga kantidad sa ibaligya nga shabu ug laing unom ka pakete sa druga nga nagbalor sa P6mil kapin-kun-kulang.
Gitakdang kasuhan sa pagbaligya’g gidiling droga ang suspek sa piskalya ning syudad.
