Imposibleng tuhuan sa mga hurado sa International Criminal Court (ICC) nga walay “common plan” ang administrasyon ni kanhi Presidente Rodrigo Duterte aron ipatuman ang iyang “war on drugs campaign”.
Kini ang gibutyag ni Atty Neri Colmenares, lead counsel sa mga biktima sa War On Drugs ug Extra Judicial Killings (EJK) sa Pilipinas sa interbyu sa Bombo Radyo.
Miingon si Colmenares nga kung ipamugos sa defense team ni Duterte nga wala siya nagmando sa mga pagpatay, kini nagpasabot nga ilang gipasa ang pagbasol sa liderato sa Philippine National Police (PNP) nga niadto gipadagan sa tolo ka heneral nga si kanhi PNP Chief Oscar Albayalde, Camilo Cascolan, ug Senador Bato dela Rosa.
Gawas niini, namugos si Colmenares nga kung manghunaw si Duterte, taas ang tsansa nga lakip ang mga kapulisan nga nag-execute sa pagpatay ang makasuhan sa crimes againts humanity o mag co-perpetrators.
