Padayon gihapon ang rehistrasyon sa Commission on Elections (COMELEC) taliwala sa mga hugon nga sugyot nga ipostpone ang Barangay ug Sangguniang Kabataan Elections karong Nobyembre.
Matod ni COMELEC Region 10 Director Renato Magbutay, nakapokus pa karon ang buhatan sa voter registration nga molungtad hangtod Mayo 18, sa dili pa magsugod ang pormal nga pagpangandam alang sa piniliay.
Human niini, sugdan na ang mga pagbansay sa electoral boards ug inspeksyon sa mga eskuwelahan nga gamiton isip polling centers aron masiguro ang kahimtang sa suga ug pasilidad.
Dugang pa niya, mosunod usab ang filing sa certificates of candidacy ug ang campaign period isip kabahin sa iskedyul sa komisyon.
Busa, nagpadayon ang COMELEC sa preparasyon samtang wala pa’y opisyal nga kabag-ohan sa petsa sa eleksyon.
Gi-awhag usab ang mga kwalipikadong botante nga magparehistro sa tukmang panahon aron makaapil sa umaabot nga piniliay.
