CAGAYAN DE ORO CITY-Mokuha’g mga abogado ang Commission on Elections o Comelec-10 nga maoy mangunay paglusad sa seminar sa mga magtutudlo nga magsilbing board of election tellers o BET sa Brgy ug SK elections sa Mayo ning tuiga.
Miingon si Comelec regional director Reynato Magbutay nga tuyo niini nga ma-isplikar pag-ayo ang aspetong legal ilabina sa ‘ballot appreciation’ mismo sa pagbotar sa mga botante sa Mayo 14.
Gilauman nga mahimong maalamon ang mga magtutudlo sa dumala sa piliay sa oras nga sila mapaubos na sa training sugod ning semanaha.
Nasayran nga nagsugod na’g abot ang pipila ka accounted forms nga gamiton sa piliay sa barangay ning rehiyon.
