CAGAYAN DE ORO CITY, Philippines – Nubentay-singko porsiento nang andam ang Commission on Elections (COMELEC) alang sa ilusad nga National and Local Automated Elections sa Mayo 12.
Sa pagtambong ni Comelec Chairman Atty George Erwin Garcia sa Panagbenga Festival Parade, iyang gibutyag nga nasubay gihapon sa ilang ahensya ang ilang timeline taliwala sa pag-oktaba sa BARMM Parliamentary Election ug pag-atubang sa daghang kakulian.
Kagahapon, gibutyag sa poll body official nga muabot na sa 45 milyon gikan sa 72 milyon ka mga balota ang naimprinta.
Target sa Comelec nga tak-upan ang operasyon sa National Printing Office sa Marso 19 aron mu-abante na sa verification process nga ilusad sa tunga-tungang bahin sa Abril 10 hangtud petsa 20.
Dugtong niini, gikompirmar ni Atty Garcia nga ready for deployment na ang tanan election paraphernalias ug voting counting machines.
