CAGAYAN DE ORO CITY, Philippines – Ginganlan ni Sagip party-list Representative Rodante Marcoleta si Commission on Elections Chairman George Erwin Garcia kinsa nalista nga tag-iya sa offshore bank account sa Cayman Islands.
Isip pagmatuod sa pasangil sa magbabalaod, iyang gipresentar ang mga kopya sa mga resibo sa bank transfer transaction sa usa ka press conference kalabot sa gisang-at nga resolusyon sa Balaybalauranan aron imbestigahon ang kontrata tali sa Comelec ug Miru.
Miingon si Marcoleta nga ilang gi-tap ang ilang mga volunteer sa New York, USA aron ibalhin ang 100 dollars ngadto sa duha ka offshore bank accounts nga giingong gipanag-iya ni Garcia.
Dinhi giingong nadiskobrehan nga ang mga resibo gikan sa bangko mga Chase for Business, nga nakarehistro ang account ubos sa ngalan ni George Erwin Mojica Garcia.
Pulos gihimakak ni Garci ang mga pasangil sa magbabalaod, ug namugos nga bisan usa ka foreign account, wala kini gipanag-iya.
