CAGAYAN DE ORO CITY – Gipamugos ni Commission on Elections chairman Atty George Garcia nga dili sila bayas kabahin sa pagkuwestiyon ug pagkaso sa disqualification sa pagka-kongresista ni Carmen Punong Brgy Kikang Uy sa syudad sa 2025 elections.
Tubag kini ni Garcia nunot sa pasangil sa kampo sa opisyal nga wala pa gani masugdi’g dungog ang kaso,naglugwa na sa mga bayas nga pahayag.
Miingon si Garcia nga paspasan nila ang pagdungog sa petisyon batok Uy aron masuta kon angay makadagan o dili sa sunod tuig nga eleksyon.
Nagsumikad ang moto propio investigation sa Comelec batok Uy sa dili katoohan nga pagsaka sa mga bag-ong botante nga nahistro sa mismo lamang brgy sa Carmen ning tuiga.
Hisayrang sa 21-mi ka bag-ong botante ning tuiga sa Brgy Carmen, sobra 8-mil niini ang nahatagan sa gilugwa nga brgy resident certifications gikan sa buhatan ni Uy.
