CAGAYAN DE ORO CITY – Gitawag nga bayas sa kampo ni City Mayor Rolando ‘Klarex’ Uy ang premature statement ni Commission on Elections o Comelec chairman George Garcia nga hayan ma-disqualify pagdagan pagka-kongresista si Carmen Punong Brgy Kikang Uy sa 2025 elections sa distrito uno ning syudad.
Kini human unang namulong si Garcia nga klaro nga adunay basehan nga imbestigaran ug hayan makasuha’g criminal g mga tawo nga utok sa garapalan nga pagsaka sa ihap sa mga botante sa maong brgy.
Gibutyag ni Janboy Actub,tigpamaba sa city hall nga githaod nila ang trabaho sa Comelec apan wala sila makauyon sa mga gipanulti sa kadagkuan niini.
Una nang gi-iskedyul ang congressional inquiry sa maong isyu sa kamarabaha ning adlawa apan subli na usab kining nasibog.
