CAGAYAN DE ORO CITY – Magbaton na sa dili madugay sa kaugalingong buhatan ang Commission on Elections 10 nga igo lang nang-rentahan sa Brgy Carmen ning syudad.
Kini human angkona ni Comelec-MisOr Provincial Elections Supervisor Atty Carlito Ravelo nga pulos lang abang ang mga building nga gi-okupahan sa ilang mga opisina sa nationwide.
Siya miingon nga may pondo na nga giandam sa maong proyekto aron masugdan na ang pagtrabaho niini.Siya miingon nga laraw motukod sa kaugalingong building ang Comelec diha sa yuta sa kapitolyo aron maghiusa pa ang maong mga buhatan.
Gisaysay niini nga may kasabutan na ang ahensiya ug kapitolyo probinsyal nga sulod sa 25 ka tuig sila nga libre ug walay singlon nga bisan unsa nga bayad ang kagamhanan.
Natuki ang maong hisgutanan tungod sa isyu sa kagamay sa giabangan nga building sa City Comelec Office sa dakbayan diin magpiot ang mga kandidato kon magdungan pagduso’g sertipiko de kandidatura sa kada-eleksyon.
Hisayrang ubos sa balaod,mismo ang lokal nga kagamhanan sa usa ka syudad,munisiypo ug probinsya ang motubag sa batakang panginahanglang administratibo sa Comelec.
