CAGAYAN DE ORO CITY – Kasuhan sa pagsupak sa sa Fair Election Act o Republic Act 9006 ang local government units officials nga naglakip sa barangay opisyales nga mopihig sa linya sa mga kandidato makagamit sa mga pasilidad nga iya sa gobierno sa piliay ning tuiga.
Miingon si Misamis Oriental Provincial Election Supervisor Atty. Carlito Ravelo nga pasidaan kini sa incumbent public officials nga magsilbing patas sa paghatag kahigayunan sa mga kandidato makagamit sa government facilities sa mga ilusad nga political rally o proclamation rally ug dili lang sa mga politico nga gipaboran.
Siya miingon nga igo lang gipiyalan ang mga kasamtangang mga opisyal sa maong kabtangan rason nga wala sila’y katungod nga pihigon ang mga kaatbang sa mga kandidato nga gipaboran niini.
Gibutyag sa opisyal nga subay sa balaod,gitahasan ang election supervisor sa probinsya nga mohimo’g dinaliang mga lakang kung pakyas maresolbar sa ubos nga ang-ang ang problema.
Kung magdumili sa pagsanong ang mga partido nga gi-reklamo, higayon kini nga kasuhan aron manubag sa aspetong criminal ug administratibo.
Dumduman nga sobra kainit ang eleksyon sa lokal nga level rason nga adunay mga higayon nga magka-problema ang political challengers pag-abot sa mga isyu sa public facilities usage.
Hisayrang daghan na sa mga opisyal kaniadto sa kalungsuran ug kabaranayan nga nakasuhan ang Comelec tungod sa susamang isyu.
