CAGAYAN DE ORO CITY – Kapugngan na sa Commission on Elections ang dugay nang isyu sa ‘flying voters’ sa matag-lusad sa national ug local elections sa nasud.
Kini human aduna na’y nahuptan nga paagi ang komisyon kung unsaon nga masapon kadtong mga botante nga mogamit sa laing mga pangalan aron maka-botar bugti sa salapi sa adlaw sa piliay.
Miingon si Atty. Renato Magbutay,regional director sa Comelec 10 nga epektibo sa Mayo 12 nga piliay,ipatuman ang maong anti-flying voter strategy.
Siya miingon nga ang maong paagi nagkinahanglan nga makit-a ang aktuwal nga hitsura sa botante aron wala na’y lutson ang magtoo nga tag-iya sa pangalan apan dakong impostor o flying voter.
Hisayrang kanunay gitinguha sa Comelec nga unta dili mabulit sa lapad nga pagpanikas ang kada-pahigayon sa eleksyon sa Pilipinas.
