CAGAYAN DE ORO CITY – Dili makasulot ang mismong mga residenteng-lokal apan ang mga langyaw lamang sa ipatuman sa Commission on Elections o Comelec 10 pinaagi sa Philippine National Police o PNP nga liquor ban sa Northern Mindanao sugod ugma sa kadlawon.
Katin-awan kini ni Comelec 10 regional director Atty.Renato Magbutay kabahin sa pagpahugot sa seguridad alayon sa May 12 elections sa adlaw’ng Lunes.
Miingon si Magbutay nga pinili lang ang mga establisemiento nga tugtan sa gobierno makabaligya sa mga ilimnon sa bars ug hotels ug walay labot sa exemption ang Pinoy drinkers apan mga langyaw lamang.
Mihangyo si Magbutay nga likayan na lang una ang pag-inom sa maong mga adlaw aron dili mag-atubang sa unom ka tuig nga pagka-priso ug bug-at nga silot-pinansyal kung madakpan sugod petsa 11 hangtod sa May 12.
