CAGAYAN DE ORO CITY – Ipakusog pa sa Commission on Elections o Comelec ang ilang voter’s registration ug information campaign pinaagi sa ilang pagbisita sa Camiguin ug Gingoog City,Misamis Oriental.
Kini sa tuyo nga mas daghan ang makadasig moparehistro aron madugang isip mga botante sa umaabot midterm ug national elections sa nasud.
Gitumbok ni Misamis Oriental Provincial Election Supervisor Atty. Carlito Ravelo ang paghidangat sa ilang mga kauban gikan sa Comelec-Manila aron mangunay paglusad sa information education sa Camiguin ning semanaha ug sa Hulyo ning tuiga sa Gingoog City.
Hisayrang sukad giabliha’g balik ang voter’s registration,nakuha na usab sa ahensiya ang dugang 5 porsiento nga ihap sa mga botante dinhi sa rehiyon.
