CAGAYAN DE ORO CITY – Gibasura sa Commission on Elections ang sugyot nga dili iapil ang Brgy Carmen sa pagpahigayon sa 2025 elections.
Kini human kadudahan ang pagpa-rehistro sa sobra 15-mil ka tawo na sukad gibuksa’g balik sa Comelec ang registration period sa milaba’yng Pebrero ning tuiga.
Namahayag si Comelec 10 regional director Atty Renato Magbutay nga paghikaw kini sa katawhan sa maong brgy rason nga wala kanila ang paghimo niini.
Apan miklaro usab kini nga mag-atubang sa kasong kriminal ang brgy officials ug mga botante sa oras nga mapamatud-an nga dunay falsification of public documents sa ilang pagpa-rehistro.
Una nang mipalag ang kampo ni Cagayan de Oro 1st District Cong. Lordan Suan sa maka-alarma nga pagpamalhin sa mga tawo gikan sa laing mga barangay aron marehistro lang sa Carmen.
Hisayrang gi-depensa usab ni Carmen Punong Brgy Kikang Uy nga wala sila’y gahom makapugong sa ubang mga botante nga magpasakop sa ilang lugar kay dili nila kini trabaho.
