CAGAYAN DE ORO CITY –Nangandam na ang buhatan sa Commission on Elections kabahin sa posibleng pagdagsa sa mga residente nga mohimo’g pagpa-rehistro sa katapusang petsa nga gihatag kanila ugmang adlawa.
Kini ang rason nga magpila ka adlaw nang temporary milbahin sa mas luag nga venues ang 1st ug 2nd district city Comelec Offices alang niini.
Miingon si Misamis Oriental Provincial Election Supervisor Atty. Carlito Ravelo nga kon pabiling anaa lang sa tag-200 ka aplikante ang morehistro sa ugmang adlawa,kaya ra kini nga idumala sa ilang mga personahe.
Hisayrang anaa sa uptown mall ang team ni 1st district City Election Officer Atty Joel Dexter Nagtalon samtang sa Ketkai area usab ang tropa ni 2nd District City Election Officer Atty Ramil Acol.
