CAGAYAN DE ORO CITY – Gidangop na sa Commission on Elections o Comelec sa kamarabaha nga mohimo’g isktriktong gabayan sa paghatag sa brgy resident certifications ngadto sa mga gustong mahimong botante sa usa ka brgy o syudad.
Kini sa tuyo nga dili na masubli ang isyu nga giatubang sa pipila ka syudad nga gi-kuwestiyon ang grabeng pagsaka sa mga bag-ong botante.
Gihimo ni Comelec 10 regional director Atty Renato Magbutay ang katin-awan nunot sa kabalaka nga buhaton kini sa pipila ka politiko sa umaabot pa nga mga eleksyon.
Una nang namahayag si Magbutay nga dili imposible nga isibog sa Comelec-Manila ang disqualification case batok Brgy Kapitan Kikang Uy kay mismo ang ilang law department ang mihangyo niini.
Hisayrang gigamit nga isyu sa disqualification case batok Kikang ang giingong pag-abusar niini paglugwa sa brgy resident certifications ngadto sa mga bag-ong botante sa Brgy Carmen nga unang gipalagan sa kampo ni incumbent Cagayan de Oro 1st District Cong. Lordan Suan.
