CAGAYAN DE ORO CITY-Gipanganti sa Commission on Elections o Comelec 10 nga ilang tinud-on ug seryosohon ang ilang operasyon batok sa pagpanglangkat sa mga illegal nga campaign materials sugod ning adlawa.
Si Comelec regional director Atty Reynato Magbutay miingon nga andam na ang Task Force nga maoy molangkat sa mga oversize ug misplace posters mga lugar gidili palibot sa rehiyon.
Ang Task Force Operasyon Langkat ang gilangkuban sa mga representante gikan sa Comelec, Department of Environment and Natural Resources ingon man sa DPWH-10.
Samtang gitin-aw ni Magbutay nga ilang kasuhan ang mga kandidato nga magmaggahi sa pagkuha sa ilang mga campaign material nga nakasupak sa mga gabayan sa komisyon.
Sumala ni Magbutay nga gihatagan nila sa 72 ka oras ang mga kandidato nga kuhaon ang ilang mga ilegal nga campaign material sama sa mga poster ug tarpaulin.
Asoy niini nga nga mahimong basehan sa pagduso sa electoral offense petition ang pagsupak sa gabayan sa Comelec sa mga campaign material.
