CAGAYAN DE ORO CITY – Namugos ang Commission on Elections o Comelec nga katungod ug trabaho nila nga mangunay pagkaso’g disqualification case batok sa kandidadura pagka-kongresista ni Carmen Punong Brgy Kikang Uy sa unang distrito ning syudad.
Miingon si Atty John Rex Laudiangco,tigpamaba sa Comelec nga dayag ang naghinobrang pag-abusar ni Kapitan Uy sa iyang pag-isyu sa resident certifications rason nga mitala sa sobra ka taas ang nagparehistro sa maong brgy.
Siya miingon nga katingad-an nga sa katapusang hugna sa registration period nga naghinobra ang kadaghan sa mga gusto mahimong botante nga wala sukad nabantayan sa ubang mga lugar sa nasud.
Hisayrang nakaduso na sa ilang tubag ang opisyal ug gihulat na lang ang pagtawag kanila alang sa pagdungog sa maong kaso sa kauluuhan.
