CAGAYAN DE ORO CITY – Gidumduman sa Comelec 10 ang mga kandidato nga dili ibalewala ang pagsunod sa health protocols batok COVID-19 nunot sa pagsugod na ilang election campaign ugmang adlawa.
Gibutyag ni Comelec 10 Director Francisco Pobe nga angayang sundon kini sa mga kandidato aron dili makasupak sa patakaran ug kalikayan ang pagsaka’g balik sa mga kaso sa bayrus.
Mohatag sa seguridad ang militar ug kapolisan sa mga kandidato kon sila mohimo’g pagpangampanya aron kalikayan nga ma-sabotahe sa dautang mga elemento.
Samtang gikompirmar ni Police Regional Office 10 spokesperson Lt Col Michelle Olaivar nga pipila sa mga kandidato ang nangayo’g police escorts sa ilang pagsugod na sa kampanya sa piliay.
Apan gibutyag ni Olaivar nga wala kanila ang approval apan gikan sa Comelec Manila ayha makaabot sa ilang buhatan.
Una nang gibutyag sa opisyal nga anaa sa lima ka kongresista ang ug pipila ka local chief executives o mayore ang nangayo’g personal security aide alang sa ilang seguridad sa piliay.
