CAGAYAN DE ORO CITY – Gikompirmar ni Comelec 10 Director Francisco Pobe Jr nga may nakaduso na sa ilang statements of contributions and expenditures o SOCEs nga May 9 election candidates sa city ug municipal offices.
Kini may kalabutan sa gimando sa Republic Act no.7166 o pag-obligar sa tanang winning ug non-winning candidates nga iyagyag ang ilang nagasto ingon man nadawat nga campaign fund contributions.
Miingon si Pobe nga wala na’y gisitar nga laing adlaw aron malugwayan ang ilang central office apan kutob Hunyo 8 lamang.
Namahayag kini nga pag-atubang sa kasong kriminal sa korte ug pagka-disqualify ang dangatan sa mga kandidato nga makasupak sa maong balaod.
Samtang gisugdan sa Comelec ang pag-imbetaryo sa ilang kagamitan alayon sa nagsingabot nga brgy ug sk elections sa nasud sa Disyembre 5 ning tuiga.
Kini bisan kon nahugon-hugon nga mayoriya sa mga magbabalaod sa umaabot 19th congress ang dakong uyon nga isibog sa sunod tuig ang maong piliay.
Gibutyag ni Pobe nga samtang wala pa’y pasado nga balaod nga mag-oktaba sa maong piliay,magpadayon sila sa ilang pagpangandam.Gani,sugdan na nila ang pagpangdawat sa bag-ong rehistrante isip regular ug SK voter sa Hulyo 2 ning tuiga.
