CAGAYAN DE ORO CITY- Giawhag ni Comelec 10 regional director Atty Jay Balisado ang mga kandidato daug man o pildi nga dili magpagapos sa epekto sa bag-uhay pa nga nahuman nga 2019 midterm elections.
Gihagit ni Balisado ang tanang mga kandidato nga tabangan ang local govt units pagpanangtang sa election materials nga naghatag kahugaw sa palibot.
Namugos si Balisado nga nga angayan na nga mobalik sa normal nga gimbuhaton ang tanan kay natapos na ang eleksyon.
Una usab niini,personal nanawagan ang Bombo Radyo Philippines sa tanang kandidato nga pangunayan nila’g kuha ang campaign materials sa nagkadaiyang bahin sa nasud aron mabalik ang kalimpyo sa palibot.
Samtang nagtoo si Citizen Watch for Good Governance o CWGG covenor Atty Antonio Soriano nga mo-minus na ang molambigit sa vote buying sa sunod election kon makonbikto ang mga nasapon ang mga kandidato nga namalit sa mga boto sa mga botante.
Miingon si Soriano nga kinahanglan pangayuan sa affidavit ug magsilbing witness ang 17 ka nadakpan nga namalit sa boto sa rehiyon aron makonbikto ang ilang mga gidapigan nga mga kandidato.
Hinoon giangkon ni Soriano nga wala pa’y nakonbikto sa pagpamalit sa boto matag-piliay sa nasud.
