CAGAYAN DE ORO CITY – Tinguha sa Commission on Elections 10 nga makab-ot ang ‘zero violence’ sa Brgy and SK elections sa Northern Mindanao sa Disyembre ning tuiga.
Namahayag si Comelec 10 regional director Atty Renato Magbutay nga mosandig sila sa katakos sa kapolisan ug ubang law enforcement agencies aron makuha ang susama nga performance sa milabay’ng midterm elections niadtong Mayo.
Miingon si Magbutay nga nasayod sila kung unsa kainit ang piliay sa brgy hinungdang mopatuman sa mga istriktong gabayan niini.
Sa milabay’ng 2023 Brgy-SK elections sa rehiyon,anaa sa 15 ka election related violence ang natala sa Police Regional Office 10.
Dugtong niini,gipasusi na Magbutay sa iyang mga election officer ang mga tunghaan nga gamiton sa Brgy ug SK elections sa Disyembre ning tuiga.
Kini tungod kay mobalik sa naandan ang proseso nga daghang mga magtutudlo ug mga tunghaan ang magamit kay manual election ang bugnong lugaynon sa kabarangayan.
Miingon si Magbutay nga nangandam na usab sila alang sa pagbukas balik sa ilang mga buhatan sa napulo ka adlaw nga registration period sugod Hulyo 1 hangtod 11 ning tuiga.
Hisayrang magsugod ang COC filing sa mga kandidato sa Oktobre 1 hangtod 7 ug mo-epekto usab ang election period sa pagka-6.
