CAGAYAN DE ORO CITY – Gihupay sa Commission on Elections o Comelec 10 ang kahingawa sa publiko nga hayan adunay nadamyos nga automated counting machines o ACMs ug official ballots sa nahulog sa pangpang nga trak sa F2 Logistics sa Purok 6, Carmen Hill,Upper Puerto ning syudad.
Kini human nabaniug nga kargado sa election paraphernalia ang trak nga gimaneho ni Michael Awitin dihang nahulog sa pangpang sa maong lugar sa miaging gabii.
Gibutyag ni Comelec 10 regional director Atty Renato Magbutay nga bakante na ang maong trak dihang mikanaug na gikan sa Bukidnon pasulod sa syudad sa Cagayan de Oro dihang natigayon ang subo nga disgrasya.
Siya miingon nga kompirmadong kargado sa kagamitan sa piliay ang trak apan mas una kining nahatod sa lungsod sa Cabanglasan,Bukidnon rason nga wala’y angay ikabalaka ang katawhan.
Apan gisakitan sila sa gidangatan sa checker sa trak nga si Rommel Harvez kay maoy walay suwerte ug nakabsan sa kinabuhi gumikan sa pagka-disgrasya.
Dumduman nga gawas nga samaron ang trak driver nga si Michael Awitin ug laing kauban nga si Judy Cayetuna,angol usab ang magtiayong sakay sa tricab nga giingong mihimo’g pag-overtake sa wala pa ang disgrasya.
Hisayrang giimbestigaran pa gihapon sa kapolisan kung tinud-anay nawad-an sa preno ang trak hinungdang milahos sa pangpang nga dunay 50 ka tiil ang gintas-on gikan sa national highway.
