CAGAYAN DE ORO CITY-Gikasuhan ni Patag Brgy Kag Nicolas Pogay nga dili patas ang City Comelec Office sa pagtagad sa gipaabot nila nga reklamo alayon sa brgy ug SK elections sa syudad.
Kini human wala matagbaw si Pogay sa gipakitang aksyon ni City Election Officer Atty Ramil Acol sa nadiskobre nila nga detacheable coupons sa mga balota sa usa ka presinto sa Brgy Patag sa syudad.
Miingon si Pogay nga unta ayuhon sa ahensiya ang pag-atiman sa mga mo-reklamo kay mismo sila ang dunay otoridad niini ug dili ang laing mga buhatan sa gobierno.
Una niini,gitambagan ni Acol ang kampo ni Pogay nga i-agi sa pormal ang ilang reklamo aron mahatagan sa igong aksyon sa uban usab nga ahensiya ilabina sa pag-eksamin sa mga dokumento nga nakuha nila gikan electoral board sa maong tunghaan.
