CAGAYAN DE ORO CITY-I-finalize na sa committee on suffrage and election reforms sa kamarabaha ang ilang report kabahin sa pagsibog sa brgy ug sk elections ngadto sa Mayo 2018 gikan sa Oktubre ning tuiga.
Kini human nauyunan sa maong komitiba nga i-oktaba ang maong eleksyon tungod ka dili gusto si Pres Rodrigo Duterte nga magpadayon paglingkod ang mga opisyal sa brgy nga nalambigit sa gidiling droga.
Gibutyag ni Cong Robert Ace Barbers,chairman sa komite on dangerous drugs sa kongreso nga hulaton usab nila ang bersyon sa senado aron mausa ug mahimong balaod.
Una nang gibutyag ni Duterte nga kapi’g libo ka brgy kapitanes ang anaa sa kalambigitan sa ilegal drug operation sa nasud.
Samtang dili mo-relax ang Commission on Elections o Comelec sa ilang preparasyon sa brgy ug sk elections sa Oktubre ning tuiga sa nasud.
Kini bisan nga giuyunan na sa House committee on suffrage and election reforms nga isibog ang eleksyon sa Mayo 2018.
Gibutyag ni Comelec regional director Atty Reynato Magbutay nga layo pa mahingpit mahimong balaod ang gituki sa kongreso hinungdan nga mangandam gihapon sila alang sa piliay.
Una niini,nangabot na ang pipila ka mga election paraphernalia sa Comelec alang sa maong katuyuan.
