CAGAYAN DE ORO CITY-Magpabilin una sa ilang katungdanan ang incumbent officials sa kabarangayan sa Mindanao ning tuiga.
Kini human naglugwa ang Commission on Elections en banc sa resolution diin nagsibog sa brgy ug sangguniang kabataan o SK elections sa Oktubre 23 ning tuiga.
Gibutyag ni Comelec regional director Atty Reynato Magbutay nga gihimo nila nga basehan sa pagsibog sa brgy ug sk elections ang deklarasyon sa martial law sa Mindanao diin molungtad pa sa Disyembre ning tuiga.
Nagkahulugan kini kon mahitabo nga brgy ug sk elections ilabina sa Mindanao ang himoon kini sa Enero 2018.
Samtang gilayong gilingkuran sa pipila ka pundok kabatan-unan ang resolusyon sa Comelec diin nag-sentro sa pagsibog sa brgy ug sk elections sa Mindanao ning tuiga.
Kini human gisupak sa grupong Barug Kabatan-unan Movement ang lakang sa Comelec alang niini.
Namahayag si Barug Kabatan-unan Movement chairman Kenneth Piloton nga dili kini makiangayon hinungdan nga gihagit nila ang Comelec sa subli pagsusi sa ilang gipanakaug nga hukom.
Dumduman nga una nang namugos si Pres Rodrigo Duterte nga angay ma-oktaba una ang brgy ug sk elections tungod sa kalambigitan sa pipila ka kapitanes ug konsehales sa pagpayuhot sa gidiling droga sa nasud.
